the-face-sm

darbs: "face of the faceless" Unless, otherwise.. daw si bords lang ba...

Matay sunod – sunod giod ang pangutana sa email nga nadawat; Pangutana kung kinsa ba giod daw kuno ko? Unsa ba giod ang akong tinoud nga ngalan? Taga-asa ko? Ug uban pang pangutana nga morag puerte na giod kaayo ka personal. Kulang na lang kuhaon ang akong Social Security Number,  Credit Card Number og lakip na dinhi ang akong Bank Account Number.

Matay bisan unsaon giod nako pag hunahuna; ambot unsa man giod daw ang tumong ngano nga mahibaloan ang pangalan?  Gihatag na nako ang akong KALAG. Gi pang suwat na nako ang sulod sa akong utok. Gipakaulawan pa giod nako ang akong kaugalingon sa akong mga wrong grammers, wrong spelling, diction, incorrect usage… dili pa giod na sya igo? PASTILAN mga Bay! Satisfied na lang tawon mo kung unsa ang nakapaskil dinhi oy!

Sa tinoud lang ihatag nako ang personal nga information kung may gimando sa Amerikanhong balaod. Apil na dinhi ang mga legal nga  transaction. Ug kon may transaction nga dili ko comfortable sa paghatag sa akong information, may katungod ko nga dili tubagon ang ilang mga pangutana.

Ang paghilom sa nahisgutan nga sitwasyon mao ang pinakagamhanan nga armas. Kabalo na sad ta kung unsaon pag extract ang maong information kung MOHILOM; I-blog na lang na sya sa ubang mga adlaw. Kay karong bulana ang letra sa M, wa moabot sa akong radar ang nahitabo sa Abu Graib.

Magpahilom aron malikayan ang implikasyon mao na sya ang basic Human Rights nga matagamtaman sa usa ka citizen sa Amerika. Basic question gihapon ni sya sa pangutana nga “Unsa ang pribilihiyo sa usa ka American Citizen.” Gisil-sil usab kini nga mga katungod sa mga eskwelahan. Way, lami ang epekto kay morag na man og si korek ang Amerikanhong kabataan. Sa maka usa pa, gi-encourage gayod nga panalipdan ang tawhanong katungod; Ug kini mamahimong responsibilidad sa matag usa aron dili pagatamas tamasan sa mga walay puangod.

“Yamat ra!”, matud pa sa hong-hong sa kagahapon.

Mao kini ang akong MANSANAS…

Advertisements